In 'n poging om die risiko van vloede vir inwoners van die omliggende gebiede van Lower Silvermine-vleilande (LSW) te verminder, is 'n massiewe baggerwerk op die punt om te begin, het die Stad Kaapstad gesê.
Die baggerwerk sal gebiede van Hoofweg tot by die groot houtvoetbrug wat tussen Hiltonweg en Carltonweg loop, insluit.
Volgens die Stad sal die baggeraksies onderneem word om slik en rommel asook die uitgestrekte rietbeddings te verwyder, en oop water vir die bedreigde Westelike Luiperdpadda, sowel as voël- en visspesies, te skep.
Tydens die proses verwyder graafmasjiene opgehoopte sediment binne die rivier en plaas die baggermateriaal na die rivieroewers.
Die materiaal word dan deur middel van 'n langbalkgraafmachine opgelig om dit 10 m weg van die walle op te berg en vir drie weke of langer ontwatering moontlik te maak voordat die materiaal na die betrokke stortingsterrein weggekarwei kan word.
"Die LSW is gebruik as 'n verwysingsligging oor hoe stedelike waterweë moet lyk - 'n koppelvlak tussen die omgewing, mense en welstand," het Siseko Mbandezi, die Stad se waarnemende burgemeesterskomiteelid vir water en sanitasie, gesê.
Fase een van die projek sal na verwagting teen 30 Junie 2023 voltooi wees.